3. juni 2011

TREPINNENS VENN - my wooden favorites

På loftet heng ein falma fjellanorakk med merket "Treskiens venner" vakkert påsydd. Vemodig nostalgi... 

Ingen som vil verte verdsmeister på ski no til dags vågar å bytte frå kunstfiber til tre, men på strikkefronten er det vel motsett? Eg er i alle fall i ferd med å bli trepinnens bestevenn! 

No byttar eg saaakte, men systematisk ut alle metallpinnane, i same stil som andre gjer det med amalgam i munnen... Trepinnane er betre for hendene mine, betre for humøret (eg blir glad av å sjå på linjene i treverket i staden for kaldt og grått metall) - men kanskje ikkje så bra for lommeboka om ein går altfor kjapt og drastisk til verks. 


Her kjem ei kort og uvitskapeleg vurdering av nokre pinnar frå lageret mitt. Kanskje nokon kan hjelpe meg vidare ved å tipse om sine favorittar?

Metall: Einerådande i samlinga mi før. Fordel: robuste! (Eg kjem til å behalde dei som reserve)
Bambus: Når eg ikkje har råd til edeltre... Blir marknadsført som miljøvennleg, m.a. fordi bambus veks raskt opp igjen og ikkje er ein trua planteart (ikkje tre!)
Bjørk: Gir meg ei god og heimleg kjensle.Tenkjer på dei flotte, nordiske bjørkene. Litt tørre å strikke med, går det an å smøre dei inn med ein fin olje skal tru?














Ibenholt: Fine og gode, men treet blir litt i svartaste laget når eg strikkar med mørkt garn og i dårleg lys. 
Rosentre (nedst): Min favoritt så langt! Glatt og god, med ein fin,  litt raudleg farge. Ikkje billeg. Både pinnane i ibenholt og rosentre er laga av restar etter produksjon av musikk-instrument. 

Dei nyaste pinnane i samlinga mi er 35 cm langpinnar i rosentre. Perfekte til Sidelengs rillestrikka jakke! - som eg no strikkar i nye fargar til ein eitt-åring (sjå fotoet under). I starten var det uvant - som å ro med altfor lange årar - men no når eg har kome inn i rytmen, storkosar eg meg! Eg får sett heile jakka medan eg strikkar, og slappar også mykje meir av i fingrar og skuldrar enn eg gjorde sist, då eg brukte rundpinne (også i rosentre).  


Vel, eg er berre i starten på "finne den beste pinne"-prosjektet mitt! 
Har DU ein strikkepinne-favoritt du vil fortelje om?






















3 kommentarer:

  1. JA, det har jeg!! Du har utelatt den her - tror jeg! En trepinnevariant fra Knit Picks, symphonie wood eller harmony wood eller noe i den duren! De er i hvert fall fargerike, og utrolig gode. Hvilken tresort de er laget av, det vet jeg ikke (googlet og fant ut at det kanskje er kryssfinér?), men de er min favoritt :) Kjærestens også, for han liker ikke klirringen fra metallpinnene ;) Her er en nettside som selger slike: http://www.annesgarn.no/storefront.php?pid=945 Bambus er nest best - har hørt at de er skjøre, men aldri opplevd det selv. Driver også med utstrakt utskifting, og kommer til å ha de andre i reserve :)

    SvarSlett
  2. Og jeg bruker mest metallpinner, helst mine kjære Addi Lace, siden de har spissere tupper enn andre rundpinner, og jeg synes kabelen er fleksibel og har god overgang. Det er altså rundpinner, i ermepinner har jeg andre preferanser.

    Av ermepinner liker jeg godt KnitPro sine bjørkepinner. Bambuspinner har jeg endel av, men de er jeg ikke helt venn med (det går for sent og strikkefastheten min blir helt rar)

    SvarSlett
  3. Har ikke prøvd tre enda jeg, tittet på flere varianter:)
    Så nydelige lillafarger, den blir sikkert kjempe fin.

    La meg til som følger jeg.
    Ha en flott uke :D

    SvarSlett

Related Posts Plugin for WordPress, Blogger...