16. mai 2011

HOPPANDE GLAD! - happy rabbit

Eeendeleg er påskepinseharen min ferdig!


Altfor tynt garn, altfor mange små deler å sy saman, altfor rar til å kunne vere barselgåve... Alle desse innvendingane gjorde at dette "vesle" prosjektet både varte og rakk, og dermed stengde for all anna strikkande kreativitet. I det førre innlegget mitt kunne det endåtil sjå ut som eg i frustrasjon hadde kompostert den uferdige haren midt oppi påskeliljene, men så gale var det likevel ikkje :-)


Ein sjekk på Wikipedia trøysta meg også med at ein ekte hare går svanger i heile 50 dagar (og ikkje som kaninen, berre i 28-34 dagar), dermed var strikke-tempoet min akkurat som i naturen. Så dét så. Og no er den vesle hareungen her - og eg er så letta og hoppande glad! Sjølv om han kanskje er litt ... rar?


Planen då eg starta var å gi denne haren til eit vårbarn som var ventande. No er guten for lengst fødd, men eg må likevel tyggje litt meir på tanken om denne raringen min er fin nok som barselgåve. Nei, kanskje skal eg seie som Elling (roman-figuren til Ingvar Ambjørnsen) at han ikkje er rar, men heller engelsk "rare", altså sjeldan!


PS: Eg gler meg til jubel-rop og vaiande flagg i morgon. Storstilt feiring passar svært bra, for akkurat på 17. mai fyller nemleg denne bloggen du no les eit halvt år. Hipp, hipp!


oppskrift påskepinsehare: 
"Bunny" frå boka Itty-bitty toys 
av Susan B. Anderson
fargar: "Cream Pima" (ca 25 gr) 
og "Avocado" (ca 6 gr)
pinnar: 3 mm (burde vel heller valt 2,5)
fyll: økologisk bomull og ullflor 
(neste gong vil eg berre bruke ull)

oppskrift, dokke-undertrøye: frå boka Brukt på nytt av Kathrine Gregersen
garn: Pickles Thin Organic Cotton 50 gr - 90 meter (brukte 11 gr)
farge: sjøvann
pinnar: 4 mm



3 kommentarer:

  1. nåmiiin.. den var kjempesøt, synes jeg =)
    Mvh Siv

    SvarSlett
  2. Den var jo kjempesøt, jo! Ikke litt rar engang :) jeg stemmer for barselgave!

    SvarSlett
  3. Jeg driver visst med feilinfo! Shetland soft og Malsen og Mors Supersoft er ikke det samme garnet, men ganske så like, så de kan brukes om hverandre. Sorry for feilinfo!

    SvarSlett

Related Posts Plugin for WordPress, Blogger...