Les gjerne også Vottelaugets fellesblogg:

30. april 2013

BRUM-BRUM GENSER - a sweater for the little driver

Oppdatert 2. mai Ein mini-versjon av oppskrifta mi ligg no inne på Raverly!

Eg drøymer om å strikke eit blomster-teppe, eit lauv-mønstra sjal, ein florlett tunika ... Men når den store lidenskapen til 3-åringen er bilar, bilar, bilar - ja då er det berre å bøye seg i asfalt-støvet og lage ein "Brum-brum-genser". Og det vart ei artig oppgåve! Med garantert mjuke og miljøvennlege køyrety! 

Genseren er strikka på same måte som Sinnasau-genseren min til storebroren, i kroppsnær fasong, og i tynt ullgarn som skal passe bra no når den milde vårlufta er på veg. Maskene av den ubehandla saueulla strittar i alle retningar, men ein vask eller to skal vel gjere mønsteret jamnare. Genseren er strikka ovanfrå og ned (top-down), og ein uventa, fin effekt av aukinga på berestykket var at folkevogn-boblene strekte seg ut og forvandla seg til raske racer-bilar. I alle fall nesten ...


oppskrifta mi:
bil-mønsteret:
Skandi's Cars (Raverly) ... men altså med fleire masker inni bilane pga aukingane
størrelse: ca 3-4 år
garn: Isager Tvinni Tweed, farge: 21s (= mørkeraud/
rustraud)
Nøstebarn 2-tråds merinoull, farge: 806s/ny811 (= "naturbeige") og 808s/ny812 (= "naturbrun")
pinnar: 2,5 og 3 mm
totalvekt: ca 80 gram

Tut-tut! Strikke-arbeid pågår! 
Brum-brum genser (Raverly)
Related Posts Plugin for WordPress, Blogger...