Kanskje er det ein ubevisst protest mot hausten, der alt i naturen ser ut til å bli raudare, brunare, regntungt, nattesvart...
Eg har endåtil meldt meg inn i Raverly-gruppa Green is the color. Ja, sjølvsagt finst det også ei gruppe for slikt! Der inne er det mange fascinerande svar på spørsmålet: Why do you love green?
Heilt konkret har eg lyst å prøve meg på barnegenseren "Ikke helt ribba" av Pinneguri, og då absolutt i optimistisk grønt. Men kva slags garn skal eg velje, skal tru? Silkesauen insisterer sjølvsagt på ull, og ikkje alpakka. Hmm... eg trur eg legg meg litt i tenkjeboksen i lag med ein haug av grønt.