8. desember 2013

BLOMSTRING I DESEMBER - flower mittens

Før helga sat eg væpna med nåler og saks og syntest bittelitt synd på meg sjølv: Eg skulle kjempe mot eit bustete vrangside-troll, nemleg feste eit kaos av maaaaaange tråd-endar. 

To vottar låg framfor meg, strikka med elleve ulike fargar - og eg hadde droppa alle gode råd om innveving eller "spit splicing" undervegs. Sukk. 

Men det varte ikkje lenge før eg måtte le av meg sjølv. For dette var ikkje noko kaos, det var eit herleg fyrverkeri av fargar - det var ein fest! 

Eg hadde vore så heldig å bli invitert som test-strikkar av torirot, no var eg på oppløpssida, saksa klipte av den aller siste tråd-halen, og eg kunne endeleg snu rettsida til. Og der falda Blomekrans-vottane seg ut i all si prakt! 



Denne test-strikkinga av mønsteret "Blomekrans" har verkeleg gitt meg ny næring og fargeglede, no midt i vinter-mørkret. Desse vottane lyser opp på frukostbordet like mykje som dei to adventslysa mine i dag!

Alt garnet er frå "my stash" som det så fint heiter, og no har eg lyst til å grave endå djupare i lageret, for å skape fleire farge-gleder. Hjarteleg takk, torirot! 

oppskrift & fakta:
(lenke til Raverly)
garn: 
botnfarge: Isager Highland, farge "Ivory"
... pluss 10 ulike mønster-fargar frå diverse reste-garn: 
sjå detaljar på prosjektsida mi på Raverly
pinnar: 3 mm (2,5 mm truleg betre )
størrelse: medium 
total-vekt: 41 gram


Takk for farge-festen! Skål! 


14 kommentarer:

  1. Det var utrolig mange tråder å feste! Men resultatet ble jo fint :)

    SvarSlett
  2. Nydelige votter! Ha en herlig advents søndag hos deg!

    SvarSlett
  3. Denne kommentaren har blitt fjernet av forfatteren.

    SvarSlett
  4. Åh, så fine de ble! Herlige farger :) Dere er flinke, både du og torirot!

    SvarSlett
  5. Fantastisk fine. Torirot lager noen flotte plagg.

    SvarSlett
  6. Hjarteleg takk for alle fine kommentarar i dag, både her og inne på Raverly.
    Eg leier applausen vidare til designaren torirot!

    SvarSlett
  7. Dette var en fin fargefest! Måtte legges som favoritt på ravelry med en gang:)

    SvarSlett
  8. Vilka härliga färger! Fantastiskt fina vantar.

    SvarSlett
  9. De ble herlige og veldig vake farger!
    Neste gang tror jeg jammen jeg vil velge en lys bakgrunn:)

    SvarSlett

Related Posts Plugin for WordPress, Blogger...