20. august 2011

TO TYNNE OG EIN TJUKK - thin stripes of sun


Kva gjer ein når ferie-strikket er pakka pent ned i bagasjen, men ein fryktar at garnet ikkje rekk? Eg slengde eit par tynne garnrestar på toppen av kofferten, og resultatet ser de her: 


Ei jakke med godt og tjukt 3-tråds-garn, "drøya" med striper i dobla 2-tråds restegarn.


Eg har døypt jakka Solstriper i brevatn, sidan eg synest den olivengrøne fargen nesten skiftar ham til gult i doblinga med breblå. Maske-magi! 


Nøstebarn-oppskrifta prøver eg her for første gong, og eg må innrømme at eg fekk litt startvanskar då eg oppdaga at den berre har éin størrelse og eitt garn oppgitt, nemleg for baby (ca 6 mnd) i 2-tråds tynn lammeull. Men eg ville gjerne lage ei slik jakke til to-åringen min, så hm, kva skulle eg gjere då? Sidan sommar-hjernen ikkje var heilt klar for matematikk valde eg ein ny, men enkel vri: eg strikka jakka i 3-tråds garn i staden for 2-tråds, og dermed også med tjukkare pinnar. Voilá, jakka passar perfekt! (...Ja, ho er endåtil litt for stor).


Original-oppskrifta foreslår heile tre ulike fargar i stripene, men eg valde altså heller ein mild "solstripe"-variant ved berre å lage éi enkelt farga stripe (dvs midt-stripa med 50 masker), i ein oppmjuka fargemix av 2-tråds restegarn i oliven blanda med grunnfargen breblå. 


Knappane er såkalla vintage, det vil seie gamle og slitte knappar (i tinn?) frå familiens knappeboks. Denne jakka er forresten mitt beskjedne bidrag til Sommarutfordringa på Nøstebloggen, der fristen går ut i dag.
oppskrift: 
"Babyjakke strikka i eitt stykke", 
frå boka Strikk til Nøstebarn av Kathrine Gregersen
her i min variant for større barn
garn: 
grunnfargen: 3-tråds breblå = nr 62 i Merinoull 
(300 m = 100 gr - eg brukte 130 gram) frå Nøstebarn
stripene: 2-tråds breblå dobla med 2-tråds lys oliven = nr 72 (600 m = 100 gr - eg brukte ca 13 gram av kvar)
pinne: 3,5 og 4 mm




4 kommentarer:

  1. Så flott den var! Den kan han bruke lenge, det er jo helt supert :)

    SvarSlett
  2. Kjempefin jakke! Navnet passer kjempebra:) Supert tips å strikke den i 3-tråds til en toåring, denne vurderer jeg nå til snuppa mi som blir to til våren.

    SvarSlett
  3. Nydelig, å de knappene var flotte på jakka:)

    SvarSlett
  4. Kjempefin jakke! Moro å se den i 3-tråds, for jeg ville gjerne prøve meg på den selv men fant ut at den opprinnelige størrelsen ble for snau. Da går jeg for din variant jeg og :-)
    Har ikke kommentert her før, men liker å titte innom - veldig koselig blogg!!
    Hilsen KristinB

    SvarSlett

Related Posts Plugin for WordPress, Blogger...